قصة الشايب والوايت حقيقيه

[احمر الناظر]

شايب نوا يشتري له وايت..عشان ابله وحلاله،،

جمع له فلوس لين صار عنده ثمانين الف ريال،، وتوكل على الله،،

وهو رايح للمعارض إلا ذيك الناس المجتمعة في ارض فضا،،

و جمبهم وايت،، وعجب خوينا هالوايت،،

قال بس خلني اشوف هالوايت عساه للبيع،،

يوم وقف واثري هالجماعة يحرجون:

50 ،، 52 ،، 55 ،،

قال بس هالوايت إن شاء الله انه من نصيبي،،

ويخش بالحراج... 56 .. ويزود.. ويزودون .. ويزود..

لين وصلوا 75 .. قام خربها وقال 80 ..

هو قال ثمانيييييييييين يوم سكتوا..!!! وهجدوا..!!!! والتفتوا عليه،،!!!!

يناظرونه.. يناظرون بعض.. يوم تغامزوا ونقز له واحد منهم ..

ويسحبه على جنب.. قال شف يابن الحلال بنعطيك مليون ريال بس امش من هنا ولا

نشوف وجهك..

قال هااااا.. وش السالفة..؟؟!! مليون .. وليه..؟؟ قال له بس خذ هالشيك وتوكل

على الله

وش اسمك؟؟ عطاه اسمه وكتب له الشيك بمليون ريال وصرّف الرجال..

هو ما يدري وش السالفة ..

طيب وش العلم ..!!!!!؟؟!!!!

..

..

اثري هالجماعة يحرجون على المخطط وواقفين بالصدفة جمب الوايت..

و56 مليون و75 مليون.. وبو الشباب خش معهم..

ويحسبونه هامور يبي يلطش عليهم المخطط.. قاموا صرفوه بمليون..

وهو طايرن من الفرحة..

وسلاااااامتكم

[ابن وصيص]

وانت سالم ياحمر الناظر ,,

وماقول الا يرزقنا رزاق الهوايش بجحرها .............

ههههه

يعطيك العافيه .. احمر الناظر

تــحــيــاتــي لــكــ

[احمر الناظر]

حياك الله ابن وصيص


والله يرزق الجميع

وتحياتي لك

[يوسف بن بندر]

ههههههههههه


مشكور اخو ي على القصة الرائعة ماااااااشاء الله علية


مايجي حظي مثلة

[متزن]

الله يعطيك العافيه

[ابن الكاف]

يعطيك العافية اخوي احمر النواظر على القصة الرائعه........

[يوسف ابن زياد]

احمر الناظر

مشكور ع القصه والمعطي الله

تحيتي...........

[حاكم بدر]

يعطيك العافيه يالغالــــــــــي ,,,

على الــموضوع الـــرائع ,,,

تقــبل مروري ,,,

[محامي القبيله]

ههههههههههه شكل فلوسه اللي بيشتري بها وايت حلال وبارك الله فيها

شكرا لك احمرالناظر