نبي شاعر يفتل وينقض بعد أذن المشرف

[نادر مرزوق]

أنت ياسارح على أثر الجره
فتح عيونك عسى تلقاني
كل عد(ن)في طريقك مره
العدود تروي الضميانـــــــي

[عبدالله مذكر العقيلي]

بعد اذنكم ياشباب ابي اعطيه رد يمكن يحوز على اعجابكم والكامل وجه الله .

جرتك يا صاحبي فالحره = كيف نعرفها من الحصياني
وعدكم فاضي مافيه القطره=مايلين حلقي العطشاني

[نادر مرزوق]

كــان عــلمــك زيـــن لله دره
هات علم الخير ياكحيلاني
وكان علمك شين بالله صره
هرجــة المنــقود ماتعنانــي

[موفق سعد]

راااااااااائعين

بالإنتظار

[عبدالله مذكر العقيلي]

استلم الرد يانادر والمعذره على التاخير لاني ماكنت موجود على النت .

أبشر بعلمٍ سوات الذره = يحيي العظم القديم الفاني
والمشاكل مانبيها مره = ولانته المجني ولانت الجاني

[نادر مرزوق]

المــزاع يـوم يـــــزرع بـره
ماحسب للمد والطوفاني
صاحبك ربك يفكك شره
وانتبـه لاتطمـــر الجـرفاني

[عبدالله مذكر العقيلي]

أنت تزرع زرع هذا كثره = ولاحصدت الزرع يالخسراني
الخواطر كلها مستره = والعلوم اتبين بالميداني

[نادر مرزوق]

طر جيبك لأنطحتك طره
بضربك ضربه على الذرعاني
سق بعيرك ياعميلي سره
مهــرتك ماهي كــفو حصــاني

[السيف]

شاعرين مبدعين

ووووووووووووواصلو الابداع

نادر وابن حمدان

[عبدالله مذكر العقيلي]

والله لتبطي ولالك قدره = ماتحرك شمخ الضلعاني
تترك السهله وتبغى العسره=ياحسافه حدر الودياني

[نادر مرزوق]

لاتـــدق المــلح ثم تـــذره
فوق جرحك وانت منه تعاني
فــر دولاب المعانــــي فره
وأضبط النغمه على للحاني

[ذيب السرب]

صحت الالسن
تحياتي

[شويمي سعد]

مبدع يابو مرزوق ولا يهمك الحساد

[عبدالله مذكر العقيلي]

بانت بوجه المعاني غره = ونكشف للناس شيٍ ثاني
وانت زعلان وبكبدك حره = أضرب براسك حدا الجدراني

[نادر مرزوق]

ضبكم نرميه ولانغـــــره
راس ماله لي مع شكماني
الصديق يشوف شي يسره
والعدو ناطاه بالحذيانــي

[طرقي عساس]

يادافع البلا

اعجبت بهالمحاوره المرمـــــــــــــــوقه واسجل مروري

صحت السنت الجميع

[عبدالله مذكر العقيلي]

أكتشفت انك ماعندك خبره = ولا لعبت الشعر بالميداني
روح عنـي يـاقصير النـضــره = أبـك انـا عبدالله الحـمـداني

[السيف]

أكتشفت انك ماعندك خبره = ولا لعبت الشعر بالميداني
روح عنـي يـاقصير النـضــره = أبـك انـا عبدالله الحـمـداني

ااااااابك ياعبد الله الحمداني

وااالله كفو سلطه في اعماق الشعر

واحسنتو في محاوراتكم

لك اعجابي يابن حمدان سجل مروري

انتم شعراء نتمنى لكم التوفيق

مااااااااااااااقصرتو

[عبدالله مذكر العقيلي]

مشكور يالسيف ولاعليك زود وبيض الله وجهك على الكلام الطيب اللي اعطاني دافع معنوي .

[نادر مرزوق]

أخوي عبدالله أتمنى أن تكون المحاوره في وقتها حتى لاتفقد متابعتها
وأذا كنت مشغول فاأختم وأستر ماوجهت وتقبل تحياتي أنت والمتابعين

أكشـف السر الدفين وعره
معك قلب(ن)فاهم(ن)ولساني
أتهـــم يـــاشيـــخ ولابــــره
مجرم(ن)يحلف على القرانـــي