مرثيه الشاعر مدعج بدر العقيلي فيه اخيه المرحوم دعيج بدر العقيلي رحمه الله

يامل قلبن كاثراتن طواريه
عقب الوداع الي نهار الغسيلي
تم الوداع وحط بالقبر راعيه
وعقب اللحد حطو عليه النثيلي
واطلب عسى الله من عذابه ينجيه
نجه ياربي يامنجي الدخيلي
وعند السؤال الله من العلم يعطيه
دينه وربه والنبي الجليلي
ومن عقب ذلك مكرمن عند واليه
نومت عروس وينتظر للرحيلي
لجنات خلد وعين والرب يعطه
واللي عمل لله يرد الجميلي
مرحوم يلي يفعل الطيب بيديه
راعي المروه يفعل المستحيلي
الطيب اله ماهو من السوق شاريه
دايم ونظراته لعال الطويلي
يوم الليالي الشهب ماخاب ناصيه
ياقف لو ان المال عنده قليلي
يوم ان خطو الاش تقصر هقاويه
سناحت الواجب خطاة البخيلي
مرحوم يلي طيباتن معانيه
لطم المعادي ماتوقف ذليلي
يفز قلبي كل ماوحيت طاريه
وليا طرا طاريه جبت الحصيلي
اسمه شريك اسمي ولاني بناسيه
ومر بابه كل صبحن وليلي
عسى السحاب الغر تمطر نداريه
يسقى الموطا لين قبره يسيلي
حتى يسيل القبر وروح واجيه
ويظله الله بالظلال الظليلي
وصلاه ربي عد ماسال واديه
وعداد مايدفع لوجه السبيلي